ما نرضاش يخاصم القمر السما
ما نرضاش تدوس البشر بعضها
ما نرضاش يموت جوه قلبى ندا
ما نرضاش تهاجر الجذور ارضها
ما نرضاش قلبى جواى يغنى اجراس تدق لصرخة ميلاد
تموت حته منى لاجراس بتعلن نهاية بشر من العباد
الحكمة قتلتنى وحييتنى وخلتنى اغوص فى قلب السر
قلب الكون قبل الطوفان ما يجى خلتنى اخاف عليكى يا مصر واحكيلك على المكنون
مين اللى عاقل فينا مين مجنون
مين اللى مدبوح من الألم مين اللى ظالم فينا مين مظلوم
مين اللى ما يعرفش غير كلمة نعم
مين اللى محنيلك خضار من فلاحين غلابة
مين اللى محنيلك عمار عمالك الطيابة
مين اللى بيبيع الضمير ويشترى بيه الدمار
من هوه صاحب المسئلة والمشكلة والحكاية
واتلفت رأيت كل شىء وتعبت من الحقيقة
قابلت فى الطريق عيون كتير بريئة
اعرف بشر عرفونى لا لا ما عرفونيش
قبلونى وقبلتهم بمد ايدى لا طب ليه ما تقبلنيش
لا يهمنى اسمك لا يهمنى عنوانك
لا يهمنى لونك ولا ميلادك ولا مكانك
يهمنى الانسان ولو مالوش عنوان
يا ناس يا ناس
هى دى الحدوته
حدوته مصرية
حدوته مصرية
